На 23.11 2023 на Универзитетот Скопје, нашето здружение трета година по ред традиционално ја организира манифестацијата избор на Жена Лавица за тековната година во месецот на претприемништвото што е согласно на нашите програмски активности и мисија женското претприемништво и лидерство во бизнисот да станат значаен фактор во македонската економија.
Целта на доделувањето на ова признание е да се афирмира женското претприемништво и женското лидерство и придонесот во економскиот развој кон подобра иднина во општеството и подобар живот за СИТЕ .
На тој начин ја одразува нашата посветеност за зголемување на бројот на успешните жени на ракводни позиции и нашата борба за родова еднаквост во бизнисот, општеството и во семејството.
Признанието ЖЕНА ЛАВИЦА за 2023 година е доделено на Проф.д-р Виолета Миленковска, професор на Универзитетот Скопје врз основа на нејзината улога за придонесот во развојот на образованието, пренесување на менаџерските вештини и знаење на младите , како и заложби за поттикнуваање и развој на женското претприемништво и лидерство.
При тоа се земени во предвид и останатите критериуми : професионалност, истрајност, инспиративност, одговорност, хуманост, иновативност и личен успех.
На оваа трибината дадовме акцент на женското претприемништво преку презентацијата: Женско претприемништво- предизвици и перспективи
Говорничката Проф. д-р Наташа Ристовска, редовен професор на Универзитет Скопје и декан на Факултетот за претприемачки бизнис. Таа се осврна на следниве аспекти од женското претприемништво: Концептот на женско претприемништво; Глобално истражување за женско претприемништво, Индекс на глобален родов јаз; Клучни проблеми за развој на женското претприемништво; Стратегиски приоритети и политики за поддршка на женското претприемништво
На крајот се промовираа новите членки : Гордана Дувњак (менторка Соња Маџова) , Јована Маџова(менторка Ленка Угриновска) и Виолета Толевска (менторка Виолета Миленковска)
Изборот на новите членки е по пат на менторство при што се запазуват критериумите за професионлност, успешност и лидерство.
На 06.12.2022 се одржа традиционалната мананифестција Избор на ЖЕНА ЛАВИЦА за 2022 година на Универзитет за туризам и менаџмент, Скопје
На оваа манифестација , претседателката на Здружението Елит даде Извештај за работата и проектните активности на Елит во 2022 година. Беше даден осврт и презентација на европскиот проект „Потпри се на младите“
Врз основа на добиените предлози и гласови , Признанието ЖЕНА ЛАВИЦА за 2022 година го доби Весна Миладинва за нејзината истрајност, инспиративност, посветеност кон сите, хуманост и професиналност во сите полиња од животот.
На 17.11.2021 се одржа онлајн трибина со цел да го одбележиме Меѓународниот ден на жените претприемачки WED и за ПРВ пат да прогласивме ЖЕНА ЛАВИЦА за 2021 година.
Ова признание ќе стане традиција во наредните години за нашето здружение.
На трибината говореа експерти од областа на женското претприемништво
–Ирена Јакимова, професионален обучувач и коуч, со специјалност во јакнење на жените , која се осврна на женската енергија и потенцијал и како тие се искористат за креација и движење на бизнисот и
–др, Љубиша Николовски кој има долгогодишно искуство во претприемнишвото и кој покрај другото ги потенцираше различностите на женското и машкото лидерство кое се повеќе станува еднополова професија.
„ ЖЕНА ЛАВИЦА “ прогласена е потпреседателката на ЗЖМ Елит
Мр. Мирјана Марковска– жена НАЈ-лидерка, која дава огромен придонес за јакнење на женското претпремништво и женското лидерствто, висок професиналец и неуморен борец во животот.
